Ae puttar hatta’n te nai wikday (اے پُتر ہٹاں تے نئیں وکدے)

 

اے پُتر ہٹاں تے نئیں وکدے ۔ ۔ ۔ ۔ تُو لبھنی ایں وچ بازار کُڑے ۔ ۔ ۔

اے دین اے میرے داتا دی ۔ ۔ ۔ ۔ نہ ایویں ٹکراں مار کڑے ۔ ۔ ۔

اے پُتر وِکاو ُ چیز نئیں ۔ ۔ ۔ ۔ مُل دے کے جھولی پائیے نی ۔ ۔ ۔

اے ایڈا سستا مال نئیں ۔ ۔ ۔ ۔ کی توں جاکے منگ لیائیے نِی ۔ ۔ ۔

اے سودا نقد وی نئیں ملدا ۔ ۔ ۔ ۔ تُو لبھدی پھریں ادھار کڑے ۔ ۔ ۔

اے پُتر ہٹاں تے نئیں وکدے ۔ ۔ ۔ ۔

اے شیر بہادر غازی نیں ۔ ۔ ۔ ۔ اے کسے کولوں وی ہردے نئیں ۔ ۔۔

انیاں دشمناں کولوں کی ڈرنا ۔۔ ۔ ۔ اے موت کولوں وِی ڈردے نئیں ۔ ۔ ۔

اے اپنے دیس دی عزت توں ۔ ۔ ۔ ۔ جان اپنی دیندے وار کڑے ۔ ۔ ۔

اے پُتر ہٹاں تے نئیں وکدے ۔ ۔ ۔ ۔

دھن بھاگ نیں اونہا ں ماواں دے ۔ ۔ ۔۔ جِنہاں ماواں دے لائے نیں ۔ ۔ ۔

دھن بھاگ نیں بھین بھراواں دے ۔ ۔ ۔ ۔ جِنہاں گودیا ں وِیر کھڈائے نیں ۔ ۔ ۔

مان نیں ماناں والئے دے ۔ ۔ ۔۔ نئیں ایس دی تینوں ساڑھ کڑے ۔ ۔ ۔

اے پُتر ہٹاں تے نئیں وکدے ۔ ۔ ۔ ۔

شاعر : صوفی تبسم

 

 

Note: The images are taken from web and respective designer’s websites/blogs. I do not mean to infringe the any copyright. If the owner has any issue then contact me and I will remove the images.