سوچی پئے آں ہُن کی کریے؟ (Sochi Paye Aa’n Hun Ki Kariye – Anwar Masood)

Standard

سوچی پئے آں ہُن کی کریے


 

پپو سانوں تنگ نہ کر تُوں

بڑے ضروری کم لگے آں

سوچی پئے آں ہُن کی کریے

 

روٹی شوٹی کھا بیٹھے آں

لسی شسی پی بیٹھے آں

حقے دا کش لا بیٹھے آں

پونج پانجھ کے اندروں باہروں

پانڈے وی کھڑکا بیٹھے آں

سوچی پئے آں ہُن کی کریے

 

ویکھ لیاں نے سب اخباراں

سبھے ورقےتُھل بیٹھے آں

پڑھ بیٹھے آں سارے اکھر

سارے حرف سنا بیٹھے آں

سوچی پئے آں ہُن کی کریے

 

کیسے کیسے اسلحے بن گئے

وڈے وڈے مسئلے بن گئے

وڈے شہر وسا بیٹھے آں

سارا چین گنوا بیٹھے آں

سوچی پئے آں ہُن کی کریے

 

رزق، سیاست ، عشق کوِتا

کُجھ وی خالص رہن نہ دِتا

ساری کیڈھ ونجا بیٹھے آں

دودھ وچ سرکہ پا بیٹھے آں

سوچی پئے آں ہُن کی کریے

 

جی کردا سی ووٹاں پائیے

مارشل لاء توں جاں چھڈائیے

ووٹاں شوٹاں پا بیٹھے آں

اے جمہوری رولا رَپا

کنے سال ہنڈا بیٹھے آں

سوچی پئے آں ہُن کی کریے

 

سودا کوئی پجھدا ناہیں

کوئی رستہ سُجھدا ناہیں

رستے وچ آ بیٹھے آں

سوچی پئے آں ہُن کی کریے

 

انور مسعود

(Source)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s