میں نے دیکھا تھا اُن دنوں میں اُسےجب وہ کھلتے گُلاب جیسا تھا

میں نے دیکھا تھا اُن دنوں میں اُسے

جب وہ کھلتے گُلاب جیسا تھا

اُس کی پلکوں سے نیند چھنتی تھی

اُس کا لہجہ شراب جیسا تھا

اُس کی زلفوں سے بھیگتی تھی گھٹا

اُس کا رخ ماہتاب جیسا تھا

لوگ پڑھتے تھے خدوخال اس کے

وہ ادب کی کتاب جیسا تھا

بولتا تھا زباں خوشبو کی

لوگ سُنتے تھے دھڑکنوں میں اُسے

میں نے دیکھا تھا اُن دنوں میں اُسے

ساری آنکھیں تھیں آئینے اُس کے

سارے چہروں میں انتخاب تھا وہ

سب سے گھل مل کے اجنبی رہنا

ایک دریا نما سراب تھا وہ

خواب یہ ہے ، وہ حقیقت تھا

یہ حقیقت ہے ، کوئی خواب تھا وہ

دِل کی دھرتی پہ آسماں کی طرح

صورتِ سایہ و سحاب تھا وہ

اپنی نیندیں اُس کی نذر ہوئیں

میں نے پایا تھا رتجگوں میں اُسے

میں نے دیکھا تھا اُن دنوں میں اُسے

جب وہ ہنس ہنس کے بات کرتا تھا

دِل کے خیمے میں رات کرتا تھا

رنگ پڑتے تھے آنچلوں میں اُسے

میں نے دیکھا تھا اُن دنوں میں اُسے

یہ مگر دیر کی کہانی ہے

یہ مگر دُور کا فسانہ ہے

اُس کے ، میرے ملاپ میں حائل

اب تو صدیوں بھرا زمانہ ہے

اب تو یوں ہے کہ حال اپنا بھی

دشتِ ہجراں کی شام جیسا ہے

کیا خبر ، اِن دنوں وہ کیسا ہے

میں نے دیکھا تھا اُن دنوں میں اُسے

جب وہ کھلتے گُلاب جیسا تھا

۔ ۔ ۔

محسن نقوی

زندگی اور چائے کا ایک کپ

 

شام کا ایک گھنٹہ اپنے لیئے ضرور نکالیں ۔ ۔ ۔ گھر کی چھت پر بیٹھیں ۔ ۔ ۔ لوگوں کے مکان دیکھیں ۔ ۔ ۔ آسمان میں اڑتے پرندے دیکھیں ۔ ۔ چائے یا کافی کا کپ ۔ ۔ ۔ دونوں ہاتھوں سے پکڑ کر حرارت محسوس کریں ۔ ۔ اپنے لیئے وقت نکالیں ۔ ۔ ۔ اپنے آپ کو انا سے ہٹا کر اہمیت دیں ۔ ۔ زندگی کی تلخیوں کو چائے کی چسکیوں کے ساتھ ختم کریں ۔ ۔ اور اگر پھر بھی سکون نہ آئے ۔ ۔ ۔ تو اس خالی کپ کو دیکھیے ۔ ۔ ۔ جس طرح اس کپ میں دوبارہ چائے بھرنے کی گنجائش ہے اسی طرح آپ کے اندر بھی زندگی اور خوشی بھرنے کی گنجائش باقی ہے ۔ ۔

Shaam ka aik ghanta apne liye zaroor nikalein.. Ghar ki chhat per bethein.. Logon ke makaan dekhen.. Aasmaan mein urte parinde dekhein.. Chai ya coffee ka cup.. Dono haathon main pakar kar haraarat mehsoos karein.. Apne liye waqt nikalein.. Zindagi ki talkhion ko chai ki chuskion ke sath khatam karein.. Aur agar phir bhi sukoon na aye.. To us khaali cup ko dekhein.. Jis tarah us cup main dubara chai bharne ki gunjaish hai.. Isi tarah aap ke ander bhi zindagi aur khushi bharni ki gunjaish baaqi hai…

۔ یہ میری اپنی تحریر نہیں ہے