تم نہ جان پاوَ گے – جاوید اختر (Tum Na Jaan Pao Gay – Javed Akhtar)

 

 

Note: Image is a painting by Imaan Maleki

عکس کتنے اتر گئے مجھ میں

 

عکس کتنے اتر گئے مجھ میں
پھر نجانے کدھر گئے مجھ میں

یہ جو میں ہوں زرا سا باقی ہوں
وہ جو تم تھے وہ مر گئے مجھ میں

میرے اندر تھی ایسی تاریکی
آ کے آسیب ڈر گئے مجھ میں

میں نے چاہا تھا زخم بھر جایئں
زخم ہی زخم بھر گئے مجھ میں

پہلے اُترا میں دل کے دریا میں
پھر سمندر اُتر گئے مجھ میں

کیسا خاکہ بنا دیا مجھ کو
کون سا رنگ بھر گئے مجھ میں

میں وہ پل تھا جو کھا گیا صدیاں
سب زمانے گزر گئے مجھ میں

بن کے خورشید سامنے آئے
اور پھر رات کر گئے مجھ میں

 

 

(source)