Tag Archives: Mohsin Naqvi

Main jis tarah ke bhi khwaab likhun – Mohsin Naqvi (میں جس طرح کے بھی خواب لکھوں – محسن نقوی)

Standard

AquaSixio-Digital-Art-57be93b1d104b__880.jpg

میں آڑھے ترچھے خیال سوچوں

کہ بے ارادہ ۔ ۔ ۔ کتاب لکھوں؟

کوئی ۔ ۔ ۔ شناسا غزل تراشوں

کہ اجنبی ۔ ۔ ۔ انتساب لکھوں ؟

گنوا دوں اک عمر کے زمانے ۔ ۔ ۔

کہ ایک پل کے ۔ ۔ ۔ حساب لکھوں

میری طبیعت پر منحصر ہے

میں جس طرح کا ۔ ۔ ۔ نصاب لکھوں

یہ میرے اپنے مزاج پر ہے

عذاب ۔ ۔ ۔ سوچوں، ثواب ۔ ۔ ۔ لکھوں

 

طویل تر ہے سفر تمہیں کیا؟

میں جی رہا ہوں مگر ۔ ۔ ۔ تمہیں کیا؟

 

مگر تمہیں کیا کہ تم تو کب سے

میرے ۔ ۔ ۔ ارادے گنوا چکے ھو

جلا کے ۔ ۔ ۔ سارے حروف اپنے

میری ۔ ۔ ۔ دعائیں بجھا چکے ھو

میں رات اوڑھوں ۔ ۔ ۔ کہ صبح پہنوں ؟

تم اپنی رسمیں ۔ ۔ ۔ اٹھا چکے ھو

سنا ہے ۔ ۔ ۔ سب کچھ ۔ ۔ ۔ بھلا چکے ھو

 

تو  اب میرے دل پہ ۔ ۔ ۔ جبر کیسا؟

یہ دل تو حد سے گزر چکا ہے

خزاں کا موسم ۔ ۔ ۔ ٹھہر چکا ہے

ٹھہر ۔ ۔ ۔ چکا ہے مگر تمہیں کیا؟

گزر ۔ ۔ ۔ چکا ہے مگر تمہیں کیا؟

 

مگر تمہیں کیا ۔ ۔ ۔ کہ اس خزاں میں

میں جس طرح کے ۔ ۔ ۔ بھی خواب لکھوں

~ محسن نقوی ~

020416_0845_2.png

main aarhay tirchey khayal sochun

ke be-irada … kitaab likhun

koi shanasa … ghazal tarashun

ke ajnabi … antisaab likhun

ganwa’dun ik umr ke zamane …

ke har ik pal ke … hisaab likhun

meri tabiyat pe munhisar hai

main jis tarah ka … nisaab likhun

ye mere apne mizaaj par hai

azaab … sochon , sawaab … likhun

 

taweel tar hai safar, tumhe kya ?

main jee raha hon magar … tumhe kya ?

 

magar tumhe kya ke tum to kab se

mere … iradey ganwa chuke ho

jala ke … saare haroof apne

meri … duaen bhuja chuke ho,

main raat orhon … ke subah pehno’n

tum apni rasmein … utha chuke ho

suna hai … sab kuch … bhula chuke ho

 

to ab mere dil pe … jabar kesa?

ye dil to hadd se guzar chuka hai

khizaan ka mausam … thehar chuka hai

thehar chuka hai magar tumhe kya?

 

magar tumhe kya … ke iss khizaan me

main jis trah ke … bhi khwaab likhun

~ Mohsin Naqvi ~

Image : https://aquasixio.deviantart.com/
Note: To best view this post please install these beautiful Urdu fonts: Alvi Nastaleeq / Jameel Noori (kasheeda) and other fonts from thispublic shared Urdu Fonts folder

Raahat e Dil .. Mata’ e Jaan Hai Tu(راحتِ دل متاعِ جاں ہے تو)

Standard

راحتِ دل متاعِ جاں ہے تو

اے غمِ دوست جاوداں ہے تو

 

آنسوؤں پر بھی تیرا سایہ ہے

دھوپ کے سر پر سائباں ہے تو

 

دل تری دسترس میں کیوں نہ رہے

اس زمیں پر تو آسماں ہے تو

 

شامِ شہر اداس کے والی

اے مرے مہرباں کہاں ہے تو

 

سایہء ابرِ رائیگاں ہوں میں

موجِ بحرِ بیکراں ہے تو

 

میں تہہِ دست وگرد پیرہن

لال و الماس کی دکاں ہے تو

 

لمحہ بھر مل کے روٹھنے والے

زندگی بھر کی داستاں ہے تو

 

کفر و ایماں کے فاصلوں کی قسم

اے متاعِ یقین گماں ہے تو

 

تیرا اقرار ہے نفی میری

میرے اثبات کا جہاں ہے تو

 

جو مقدر سنوار دیتے ہیں

ان ستاروں کی کہکشاں ہے تو

 

بے نشاں بے نشاں خیام میرے

کارواں کارواں رواں ہے تو

 

جلتے رہنا چراغِ آخرِ شب

اپنے محسن کا رازداں ہے تو

۔ محسن نقوی ۔

 

Raahat e dil .. Mata’ e jaan hai tu

Aye gham e dost jawedaan hai tu

 

Aansoun par bhi tera saya hai

Dhoop k sar pe saibaan hai tu

 

Dil teri dastaras main kyoun na rahay

Is zameen par to aasmaan hai tu

 

Shaam e shehr e udaas k wali !

Aye mere meherbaan kaha hai tu ?

 

Saya e abr e raigaan hoon main

Mauj e beher e bekaraan hai tu

 

Main tahe dast wa gard perahan

Laal o almas ki dukaan hai tu

 

Lamha bhar mil k roothnay walay

Zindagi bhar ki dastaan hai tu

 

Kufr o emaan k fasloun ki qasam

Aye Mata e yaqeen , gumaan hai tu

 

Tera iqraar hai nafi meri

Mere asbaat ka jahaan hai tu

 

Jo muqaddar sanwaar detay hain !

Un sitaroun ki kehkashan hai tu

 

Be nishaan be nishaan khayaam mere

Karvaan karvaan rawaan hai tu

 

Jaltay rehna chiraagh e aakhr e shab

Apne Mohsin ka raazdaan hai tu

– Mohsin Naqvi –

 

Note: To best view this post please install these beautiful Urdu fonts: Alvi Nastaleeq / Jameel Noori (kasheeda) and other fonts from this public shared Urdu Fonts folder
Image is not mine, taken from internet. Image is painting by artist Andre Kohn (link)