Mere vicho’n menoo le gaye (میرے وِچوں مینوں لے گئے۔ سلمان حمید)

mere vicho’n menoo le gaye

tera ki ae?, naal ae keh gaye

ral mil enay sapnay vekhay

akhaa’n de vich gunjal pe gaye

murr murr matta’n devan walay

ajj ik paasay ho ke be gaye

roti pichay ena bhajjay

sajjan beli pichay reh gaye

har ik gal te rovan walay

hass ke har ik gal noo seh gaye

akhaan soohiyan hondia jaavan

athroo khoray kithay reh gaye?

hass ke naal khlovan walay

tere baajo’n ro pae , dhe gaye

~ Salman Hameed Ajnabi

 

(title image src : unbounddiary.com)

رحمت دا مینہ پا خدایا – میاں محمد بخش

---

Rehmat da meena pa Khudaya baagh sukka kar hareya

Boota aas umeed meri da kar de meva bhareya

mitha meva bakhsh ajeha qudrat di ghat sheeri

jo khaavay  rog us da jaavay door howay dilgeeri

sadaa bahaar dayi’n is baaghay , kaday khazaa’n na aavay

howan faiz hazaara’n taaiya’n har bhukka phal khaavay

nemat apni vi kujh menu bakhsh shanasa’n paava’n

himmat de dilay nu mere , Tera shukar bja  lia-vaa’n

~ mian muhammad bakhsh ( sufi poet )

 

source: http://www.theajmals.com/blog/رحمت-دا-مینہ-پا-خدایا/

اوکھے پینڈے لمیاں نی راہواں عشق دیاں (okhay painday lammiyan ne raawan ishq diyan – baba bulleh shah)

okhay painday lammiyan ne raawa’n ishq diya’n

dard jiger sakht sazawa’n ishq diya’n

phulla’n wargi jindrri ishq rula chad’da

sar bazaar chahway ishq nacha chad’da

kakh na chadday vekh wafaawa’n ishq diya’n

okhay painday lammiyan ne raawa’n ishq diya’n

sajna’n baajo’n zaat sfaata’n ishq diya’n

vakhri kulli din te raata’n ishq diya’n

hain chodah (14) tabaqa’n ander thaawa’n ishq diya’n

okhay painday lammiyan ne raawa’n ishq diya’n

har har dil har thaa’n vich ishq samaya ae

arsh farsh tay ishq ne qadm takaya ae

ain baatil ain al-Haq sadaawa’n ishq diya’n

okhay painday lammiyan ne raawa’n ishq diya’n

ishq di hasti masti yaar mita deway

agg ae ishq di dil di dohi jagaa deway

Bulhay~ vaang nachaavan taara’n ishq diya’n

okhay painday lammiyan ne raawa’n ishq diya’n

 

kalaam: Baba Bulhay Shah Rehmat-ullah-aleh

Koi ban gaya ronaq pakhiya’n di – Baba Fareed(کوئی بن گیا رونق پکھیاں دی – بابا فرید)

koi ban gaya ronaq pakhiya’n di

koi chorr ke sheesh mahal chaleya

koi paleya naaz te nakhraya’n vich

koi raet garam tay thal chaleya

koi bhul gaya maqsad aavan da

koi kar ke maqsad hal chaleya

aethay har koi ‘fareed’ musafir ae

koi aj chaleya koi kal chaleya

سوچی پئے آں ہُن کی کریے؟ (Sochi Paye Aa’n Hun Ki Kariye – Anwar Masood)

سوچی پئے آں ہُن کی کریے

 

پپو سانوں تنگ نہ کر تُوں

بڑے ضروری کم لگے آں

سوچی پئے آں ہُن کی کریے

 

روٹی شوٹی کھا بیٹھے آں

لسی شسی پی بیٹھے آں

حقے دا کش لا بیٹھے آں

پونج پانجھ کے اندروں باہروں

پانڈے وی کھڑکا بیٹھے آں

سوچی پئے آں ہُن کی کریے

 

ویکھ لیاں نے سب اخباراں

سبھے ورقےتُھل بیٹھے آں

پڑھ بیٹھے آں سارے اکھر

سارے حرف سنا بیٹھے آں

سوچی پئے آں ہُن کی کریے

 

کیسے کیسے اسلحے بن گئے

وڈے وڈے مسئلے بن گئے

وڈے شہر وسا بیٹھے آں

سارا چین گنوا بیٹھے آں

سوچی پئے آں ہُن کی کریے

 

رزق، سیاست ، عشق کوِتا

کُجھ وی خالص رہن نہ دِتا

ساری کیڈھ ونجا بیٹھے آں

دودھ وچ سرکہ پا بیٹھے آں

سوچی پئے آں ہُن کی کریے

 

جی کردا سی ووٹاں پائیے

مارشل لاء توں جاں چھڈائیے

ووٹاں شوٹاں پا بیٹھے آں

اے جمہوری رولا رَپا

کنے سال ہنڈا بیٹھے آں

سوچی پئے آں ہُن کی کریے

 

سودا کوئی پجھدا ناہیں

کوئی رستہ سُجھدا ناہیں

رستے وچ آ بیٹھے آں

سوچی پئے آں ہُن کی کریے

 

انور مسعود

(Source)